-
මුල් පිටුව
- පුවත්
தற்போதைய மழைகாலச் சூழலில் பரவிவரும் டெங்கு நோய்த்தொற்று நிலைமையை கருத்தில் கொண்டு எமது யாழ்ப்பாண பிரதேச செயலாளர் பிரிவிற்குட்பட்ட கிராம அலுவலர் பிரிவுகளில் பரவலாக டெங்கு கட்டுப்பாட்டு குழுக்கூட்டம் இடம்பெற்று வருகின்றது. (J/77மருதடி,J/63 கொழும்புத்துறை மேற்கு,J/86 புதிய சோனகதெரு தெற்கு) இக் கூட்டத்தில் பிரிவின் மாநகர சபை உறுப்பினர் ,பொதுச்சுகாதார பரிசோதகர், கிராம அலுவலர், டெங்கு குழு அங்கத்தவர்கள் என பலரும் கலந்து கொண்டு வருகின்றனர். இங்கு பொதுவான சுகாதார பிரச்சனைகள் மற்றும் நோயின் வகையை பிரித்தறியும் வழிமுறை , திண்மக்கழிவகற்றல், டெங்கு பரவாமையை கட்டுப்படுத்தும் நடவடிக்கைகள் போன்றன பற்றி கலந்தாலோசிக்கப்பட்டு வருகின்றன.
வடமாகாண தொழிற்துறைத் திணைக்களத்தின் பயிற்சி நெறியின் ஒரு அங்கமான சாறி பிளவுஸ் அலங்கார வடிவமைப்பு (Ari work) என்னும் பயிற்சி நெறி யாழ்ப்பாண பிரதேச செயலகத்தின் J/ 63 கிராம சேவகர் பிரிவில் 24.11.2021-04.12.2021 வரையான நாட்களில் இடம்பெற்றது. எமது பிரதேச செயலாளர் பிரிவிற்குட்பட்ட தெரிவு செய்யப்பட்ட தையல் தொழில் தெரிந்த 15 பெண் முயற்சியாளர்களுக்கு இங்கு பயிற்சி வழங்கப்பட்டுள்ளது.
மனிதவலு வேலை வாய்ப்புத் திணைக்களத்தின் தேசிய தொழில் வழிகாட்டல் வாரம் 2021 இனை முன்னிட்டு நடாத்தப்பட்ட கலை இலக்கியப் போட்டியில் பங்கு பற்றிய வெற்றியாளர்களிற்கான சான்றிதழ் அண்மையில் எமது யாழ்ப்பாண பிரதேச செயலக மாநாட்டு மண்டபத்தில் வைத்து வழங்கி வைக்கப்பட்டன.
சர்வதேச மாற்றாற்றலுடையோர் தினத்தில் எமது யாழ்ப்பாண பிரதேச செயலாளர்பிரிவிற்குட்பட்ட மாற்றாற்றலுடையோர்களுக்கு சமூக சேவைத் திணைக்களத்தின் உதவியுடன் உலர் உணவுப் பொருட்கள் எமது பிரதேச செயலக திறந்த வெளி மண்டபத்தில் வைத்து வழங்கப்பட்டன.
